احاجي تراثية جزائرية مع هيام الثقافية

السلام عليكم ورحمة الله وبركاته

مرحبا بكم في عدد جديد من برنامج الاحاجي التراثية الجزائرية 

اليكم احاجي هذا اليوم

1- حاجيتك على بنت البلا ماهي رصاصة وماهي رحا، تاكل الماكلة وما تشرب الما ؟

2- عندي كبدة ملحتها وشرحتها، الملح كليتو، والكبدة طيشتها ؟

3- اذا كنت حاذق وعراف،وتقرا حروف الهاوية، خبرني عاللي يرعى مع الغزال في البلاد الخالية ؟

4- حاجيتك على يما همامة، طويلة القامة، من تخلقت، وهي تصدق، كي ماتت دخلت جهمنة ؟

5- عللي يمشي بالخفة، ما يمشي بالقدام، لا خرج من البيضة، ولا ولدوه من الارحام ؟

6- على حارس الدين مسكين، وهو قليل لكسيبة، الفم مافيه سنين، والراس عليه زريبة ؟

7- حاجيتك على ارنبنا الشراد وترعى الندى بالحيلات، عندها رخصة مطلوقة، ما تعرف وين تبات ؟

8- على من جات من كل ثنية جبات، من الصباح الفتنة يتفاتنوا، ولا واحد منهم مات ؟

9- حاجيتك سلفلي ونرد لك، وماهيش طلبا الكيلة بكيلتين، وماهيش ربا ؟

10- عللي اسمها بالشين، والشين حد ما يحملها، تهدم الساس الصحيح، وتعاود تبنيه بيدها ؟

الأربعاء, مارس 04, 2015