احاجي تراثية جزائرية مع هيام الثقافية

السلام عليكم ورحمة الله وبركاته

مرحبا بكم من جديد هانحن نطل عليكم بمجموعة جديدة من الاحاجي 

اليكم الاحاجي 

1- حاجيتك على شايب وعجوزة يتكلمو كلام الصماطة، الشايب ضرب العجوزة، تكلم الطفل اللي في القماطة؟

2- حاجيتك على اربعة خلقوا قبل امهم، وثمانية خلقوا مع امهم، وعشرة خلقوا بعد ما تموت امهم؟

3- عبد الصمد قال هاته، ما احلى لغاته، تعشر من نفس، وتولد من لهاته؟
4- انثى زينة مقسومة على ثلث ارباع، البنة في الفم ماهيش في اصباع؟
5- على سربكة بنات في لعمر نتاجات لخرين تزوجوا ولخرى في صدر امها تبات؟
6- على سلطان ساكن العلا خطبوه في بنتو ماعطى، هبطوه للتريسيتي والعصى، طاب خطرة وعطى؟
7- عبد الصمد قال حاح، سرحوا المعيز واحلبوا لمراح؟
8- على شاشية شافت شيء وما ضاقت منو شيء، الضربة جات في الدخلاني، والبراني ما قاسوا شيء؟
9- قريتنا مربعة، وفيها اربع قبب، اقلامتها فضة، ومدادها ذهب؟
10- اذا كانكم قاريين وفاهمين وتعرفوا حروف اللزمية اخت الشيطان ماتت ولا مازالت حية؟

الأربعاء, فبراير 25, 2015