السلام عليكم ورحمة الله وبركاته
اهلا بكم مع مجموعة جديدة من الأحاجي التراثية
شاركونا بالحلول
- 1- تتعشى عشاك وترقد حذاك؟
- 2- حاجيتك على اللي تبدا بالطاء والطاء خفيف الحطة بيه نزهى ونرتاح وفي اليد ما يبطى؟
- 3- بقرتنا راقدة والصيد حذاها هي مريضة وهو ما كلاها؟
- 4- جملي جملة كتاكت مشاي للأرض البعيدة ما كلا عشب الندا ما تمرغ في حصيدة؟
- 5- بيها عتروس وامها ناقة قوايمها من الغابة تصبح في تلمسان تبات في عنابة؟
- 6- قمحنا ضاوي في جذور عالي ما درساتو خيل ما ذراتو نذاري؟
- 7- شهلول بهلول لابس خيار الملابس يابس في وسط مبلول ومبلول في وسط يابس؟
- 8- على انثى وحيشة في جرع الواد تجبي في بلادنا تضني وتقتل وفي بلادها تضني وتربي؟
- 9- شوف واسمع لي والحديث لالاك والحواشي لمواشي والخنشوش ليك يرحم الله والديك؟
- 10- مراحنا ذهب ارواح تشوف لعجب؟
.JPG)
0 التعليقات:
إرسال تعليق