احاجي تراثية جزائرية مع هيام الثقافية

السلام عليكم ورحمة الله وبركاته

اهلا بكم مع عدد جديد من الاحاجي

الركن الاول: الامثال

1- لي يعرف يخبي من عشاه لغداه ما يكونو العدية شفاه

2- الربح الحاضر من تحراك الناظر

3- اللي ما كفاه قبرو يجي فوقو ويرقد

4- عيش مسكن تموت شريف

الركن الثاني : الاحاجي 

1- انثى والذكر من الارض طارو، الانثى راحت وولات والذكر مابان خبارو؟

2- عقرب صفراء قرصت بقرة، بالصح راس ابراهيم مسكين تنفخ؟

3- على معزتنا الحمراء في راسها نواش الحليب تحلب والروح مافيهاش؟

4- مطير مطير الصبح يشاور النهار سقف نص النهار ربي الريش وطار؟

5- لسانو طويل وما ينظر واللي في كرشو فرغناه يعجز الناطقين وما يهدر ويمشي على ما هواه؟

6- حاجيتكم على المكنية بحرف السين والسين قبة الرياح ماليها لا باب ولا مفتاح؟

7-حاجيتكم على المكني بحرف الفاء والفاء شعيبة هازة الركيبة والركيبة هازة دلاح ما يتطبع ما يتلاح؟

8- يا لالا يالزينة يا اللي قتلتي قلبي بالتنهاد ياللي صايمة طول العام وفاطرة نهار فريد ؟

9- قطعة وراء الجبل رفدت كل خبر؟

10- تسمى بالباء في الارض نبوت بالحديد تتقطع وبالنار تكوت؟

الأربعاء, مارس 16, 2016