احاجي تراثية جزائرية مع هيام الثقافية

السلام عليكم ورحمة الله وبركاته

قالوا ناس زمان: اذا خان بيك التفكير لي خان بيك لوحو ولي بدل الفضة بالقصدير بهدل غير روحو.

هاك اللغز الآتي فكر واعطينا الحل المعقول خمم فيه مليح ودبر ولا تخلي عقلك مشغول

1- على اللي خرجت وعيطت عيطة مليحة عند المؤمن فرحة وعند الجاهل فضيحة؟

2- بنت عمي مبروك ساعة تبكي ساعة تضحك؟

3- عمي مسعود معلق في عود كرشو حمرة وخنانفو سود؟

4- على طفل هلايلي في وجهو مارة يطلق المحابيس من عند النصارى؟

5- كرعيه خبز خبز وعينيه دبز دبز؟

6- حيداد ميداد هاز حزمة عالوتاد؟

7- على عتارسة كهابة ولهابة واجتمعوا في محافر الطين الميت يخلوه والحي يعطوه الدية خطرتين؟

8- قاعدة ومتكفنة وتقارع فالموس يقطع وذنيها؟

9- عمتي مبروكة طيبة ومحبوبة؟

10- الشيخ قاعد في عرشو خبطاتو حية في كرشو صبح جنبو عريان؟

الاثنين, أكتوبر 19, 2015